دمعي انتثر فوق خدي يوم ودعتك
.............................. = وش حيلتي غير دمع العين يلهيني
تقفي ركابك بجنح الليل ما شفتك
..........................= وكذب على الروح اقول الحين بيجيني
وطالت ليالي بعادك يوم هملتك
........................... = بعد كسر قلب قاسي صلب ما يليني
ابكي وقالوا الخلايق ويش مشكلتك
.......................... = ما حد عرف جرحي الي دوم يبكيني
غايب ولكن قسم ما يوم غيبتك
......................= مسجل حضورك وصوره شخصك بعيني
لكن مدري انا باقي بذاكرتك
...........................= انشد ضميرك اذا هو صدق هاوينـي
معقول تنسى ودادي يوم قدرتك
............................. = واحلا ليالي معك تحـلا بها سنيني
حتى ولو تعتذر قابل بمعذرتك
..............................= بس انت قلي انا اســف وترضيني
من زود حبك ولو تغلط تحملتك
.............................= عودت قلبي على طعن السكاكيني
لو كانت ظروفك الي تقول مشغلتك
.............................= وش له تعذب خفوقي يوم تجفيني
اما تجيني ولا تقول لي بعتك
................................. = هذا اصول المحبه والمحبيني
الصمت مزعج وانا اسف لو ازعجتك
............................. = بس انت قلها كفايه وانت تكويني
تكفى طلبتك دقايق بس من وقتك
.......................= عطني الصراحه وخلصني من الحيني
اطرد سرابك وشد رحال في خبتك
.......................... = وانشد عليك السحايب يا نظر عيني
ودي اشوفك ورغم الصد ما عفتك
............................= جيتك بوجه النقاء والزين مغريني
والله احبك ولا جا يوم وبغضتك
................................= يا جعل ربي بحياتي ما يهنيني
واخر كلامي قسم بلله ما خنتك
...........................= ضحيت لجلك حياتي وانت ناسيني
اما تجيني من اخرتك الى اولتك
...............................= ولا تفارق ترى الي فئ يكفيني
م -ن
